Gjekk under ved Steinneset
Ein 22 fots fritidsbåt måtte gje tapt mot uvêret i dag føremiddag.
Fritidsbåten som gjekk ned ved flytebrygga på Steinneset i dag føremiddag, er ein 22-fotar med 150 hestar og omlag 70 liter bensin på tanken.
Bensinsølet syter for sterk lukt i kai-området, men representerer ingen fare, i fylgje varabrannsjef Arne Monsen.
Artikkelen held fram under annonsen.
– Vi har vore på staden og sikra utstyr kring båten og lause gjenstandar i vatnet. Eigar er kontakta og får ansvaret for å heva båten, seier han.
–Var det vêret åleine som gjorde at båten gjekk ned?
– Det veit vi ikkje. Dei andre båtane ser ut til å ligga trygt, men det er heftige vindkast og sjøsprøyten slår over moloen, seier Monsen.
anne-marie@osogfusa.no
