Linda Veivåg og Hilde Gjerde fekk æra av å klippa snora for opninga av Coop Prix i Os onsdag.

Gul fest i Midtpunkthuset

Ei veke tok det å forvandla Rimi til Coop Prix. I dag var det storstilt opning med ballongar og gul dame.

Kenneth Svenningsen kenneth.svenningsen@osogfusa.no

Publisert: 14.10.2015 10:42 Sist oppdatert: 21.03.2017 15:13

Ja, marsipankaka var delvis gul. Det same var ballongane, logoen over døra og fargen på hyllene i butikken.

- Eg synest det har blitt veldig fint og ope her. Me er veldig nøgde med resultatet, seier dagleg leiar Linda Veivåg i det ho serverer dei første kundane kake og kaffi.

Omstillinga frå Rimi- til Coop Prix-butikk har gått rimeleg smertefritt.

- Det har sjølvsagt vore hektisk, men me har vore effektive. Arbeidet starta sist måndag. I dag er butikken altså ferdig forvandla, seier Veivåg.

Ut i permisjon

Veivåg er gravid og er i desse dagar på veg ut i permisjon. Ny dagleg leiar det neste året vert Hilde Gjerde.

Det var bra med kø utanfor Coop Prix før opninga. Her serverer Linda Veivåg dei første kundane kake og kaffi.

- Det er Hilde som får gleda av å driva vidare her i tida framover. Det blir nok ei spennande tid. Me håpar osingane liker butikken. Sjølv meiner me han er meir open og oversiktleg, seier Veivåg.