Grovt skadeverk på fritidsbustad

Nokon har brote seg inn i ein fritidsbustad på Ferstad, og gjort omfattande skadeverk.

- Me er usikre på når det har skjedd. Me fekk melding om saka i går, fortel politiførstebetjen Rune Fimreite og held fram:

- Dei har knust rutar, og tømt eit brannslukkingsapparat inne. Det er håplaust og øydeleggjande, og det er betydeleg arbeid med å få rydda opp i.

Politiet er interessert i tips i saka, om nokon har sett eller høyrd noko.