Spelar seg sjølv i ny Karsten og Petra-film

Turboklubb-general André Marton Pedersen skal spela turentusiast i den nye Karsten og Petra-filmen.

Mandag reiser lysefjordingen til Budapest for å spela rolla som André i Karsten og Petra - Ut på tur.

- André er jo meg. Eg skal spela ein turekspert som kjem inn i ein barnehage og fortel om fjellvettreglane. Det trur eg skal gå heilt fint. Eg skal jo berre snakka om ting eg brenn for.

- Å ja, og så ska eg synga fjellvettsongen.

- Så du blir musikalstjerne i tillegg?

- Eg øver instenst på synginga, men eg skal heldigvis ikkje dansa. Om eg ikkje har sunge i kor sidan gymnaset, så syng eg i alle fall for ungane kvar kveld, seier André.

Med tre gutar under ti år, er det stor stas at pappa skal spela i barnefilm.

- Sjølv om det ikkje er noko stor rolle, har eg fått masse tilbakemeldingar frå folk. Det har gått opp for meg at Karsten og Petra-filmane har ei høg stjerne.

Headhunta

André vart headhunta til rollen av ei Facebook-veninne som han spelte teater med i ungdomen. Med bakgrunn frå DNT og Barnas Turlag, var han sjølvskriven i rolla som turentusiast.

Det færre veit, er at han faktisk har filmutdanning frå New York og i ungdomen drøymde om å søkja Teaterhøgskulen.

- Kva lokkar deg mest nett no, kanapear og champagne eller telt og grillpølser?

- Ha-ha, eg må jo svara kanapear og champagne. Eg får nok raskt smaken på glamourlivet. Eg trur nok eg skal greia å takla kvardagen når eg kjem heim, men eg håpar sjølvsagt eg blir oppdaga internasjonalt, ler han.

Støvsugarstreik

Ei som i alle fall er glad for den nye retninga Andrés liv ser ut til å ta, er sambuaren Line. Ho er nemleg lei av å støvsuga søle i gangen og ein mann som alltid går kledd i Fjällreven.

- Ho har faktisk gått til støvsugarstreik, så ein André i smoking på premierefestar vil nok gi ei sårt tiltrengt stjerne, ler han.