To nye vatn er skøyteklare

Os brannvesen har vore ute og måla is igjen. Dei konkluderer med at ytterlegare to vatn er skøyteklare.

Sist veke tok brannvesenet over ansvaret med å måla om isen er farbar i kommunen. Sidan då har dei kome med hyppige oppdateringar om kvar ein trygt kan gå på skøyter.

I dag har dei vore ute igjen. I ei melding på Facebook skriv dei at Lekvenvatnet og Bjørnavatnet også er farbar. I tillegg skriv dei at Ulvenvatnet nord ikkje er farbar, og at det er hol i isen fleire plassar.

Her er lista

Etter at Lekvenvatnet og Bjørnavatnet blei erklært farbare, ser den oppdaterte lista slik ut:

Farbar:

Gåsakilen, Banktjørno, Langavatnet, Lekvenvatnet, Strønevatnet og Bjørnavatnet.

Sørenden av Ulvenvatnet er farbar, men frå brua og nordover er ikkje farbart.

Ikkje farbar:

Vindalsvatnet og Tveitavatnet.