Kontroll på skorsteinsbrann
Litt før klokka 18 rykte brannvesenet i Os ut til ein pipebrann i Hegglandsdalsvegen.
– Det var ein del glør i pipa, men vi har kontroll på situasjonen og returnerer til Moberg om kort tid, opplyser varabrannsjef i Os, Arne Monsen klokka halv sju.
Like før klokka 18 kunne operasjonssentralen i Hordaland opplysa om at brannvesenet i Os hadde rykt ut til ein skorsteinsbrann i Hegglandsdalsvegen. Årsaka til brannen var truleg den sterke vinden.
Artikkelen held fram under annonsen.
– Det bles veldig mykje i dag, så det vart ekstra god trekk. Men vi har feid ned skorsteinen og alt skal no vera i orden, seier Monsen.
Ifølgje varabrannsjefen var det aldri nokon fare for at brannen skulle utvikla seg.
– Det var heldigvis ein rehabilitert, ny skorstein. Han var i brannteknisk god stand, opplyser han.
camilla.kvamme@osogfusa.no
