Skiftar namn til Aquality AS
Grunna konflikt med eit tidlegare registrert varemerka skiftar Osverksemda Aquili Circle AS namn til Aquality AS.
- Me prøvde å finna hjelp til nytt namn sjølv, men fann ut at me trong profesjonell hjelp og gav oppdraget til Picapoint Studio AS. Dei har no hjelpt oss med å finna nytt namn, samt nye heimesider, profilering, marknadsmateriell og ny profil for oss, heiter det i eit presseskriv frå Aquality AS.
Ny styreleiar
Firmaet, som har base i Hegglandsdalen, har også fått ny styreleiar. Den nye styreleiaren er Erlend Jostein Wåtevik. Han vart vald inn under ein ekstraordinær generalforsamling 18. november i år.
Artikkelen held fram under annonsen.
- Erlend treng ingen vidare presentasjon for folk som er i bransjen. For andre kan me seia at han har lang erfaring innan reinsefisk, samt utvikling og produksjon av fôr. Han jobbar i dag som konsulent for oppdrettsnæringa gjennom sitt eige selskap EWA Consluting, heiter det i pressemeldinga frå Aquality AS.
