Utsett frivilligpris-utdelinga
Fusa Frivilligsentral har bestemt seg for å utsetja Frivilligpris-utdelinga til hausten.
For litt sidan etterspurde Fusa Frivilligsentral kandidat-forslag til årets Frivilligpris i Fusa. Tanken var då å dela ut prisen på det komande årsmøtet måndag 11. april. Slik vert det ikkje.
- Me har fått mange gode forslag, men har likevel bestemt oss for å utsetja prisutdelinga til haustens Frivilligfest, seier dagleg leiar i Fusa Frivilligsentral, Bodil Samnøy.
Artikkelen held fram under annonsen.
Ho legg til at dei innsende forslaga sjølvsagt vert teke med vidare i prosessen.
- Me tek med oss dei forslaga me har fått til no, så er det sjølvsagt kjekt om fleire kandidatar vert føreslåtte i tida fram til festen i november, avsluttar Samnøy.
