Kjenner du att desse personane?

I lokalhistorisk arkiv ligg det mange skattar. Kommunen søkjer hjelp til identifisering av nyleg skanna opptak.

Tidspunkt for opptaka av den uidentifiserte filmen som no er skanna, er ikkje kjend. Kanskje kan det vera like etter krigen. Personane på bileta er heller ikkje kjende. Det som er slått fast er at bileta er tekne på Osøyro og Haugsneset/Finnebrekko.

Kan du hjelpa med å identifisera personane på bileta? I så fall vil kommunen og konsulent Øyvind Gjerde svært gjerne høyra frå deg.