Fekk hol på byllen etter pause
Førsteomgangen mot Tertnes var skuffande, men etter kvilen losna det skikkeleg for Os. Gutane gav seg ikkje før det stod 7-1.
Til liks som med kampen mot Vestsiden-Askøy sist helg stonga Os lenge utan å få nettkjenning mot eit lag som trivst godt med å liggja bakpå. Tertnes leidde 1-0 til pause. Os rota bort mange fine sjansar.
- Me stongar mykje denne omgangen. Det vart litt statisk. Me skal få opp tempoet og vera meir presise etter kvilen, sa Ørjan Håland i pausen.
Artikkelen held fram under annonsen.
Dei siste 45. minuttane viste at assistenttrenaren og spelande trenar Hassan El Fakiri lukkast godt med pausepraten.
To frå Mikkelsen
Knappe åtte minutt ut i andreomgang ordna Marius Mikkelsen balanse i rekneskapen med ein stødig heading. Etter 1-1-målet var det total Os-dominans kampen ut.
2-1 vart sett inn av Marius Mikkelsen medan Erik Kanestrøm ordna 3-1, før Mikkelsen sette inn sitt andre for dagen i det 66. minutt.
Deretter gjekk det 13 minutt før innbytar Thomas Lunde Fosen skåra sitt første A-lagsmål for Os.
Siste som fekk teikna seg på skåringslista på Kuventræ laurdag var Steffen Ljosheim. Målet hans kom etter flott forarbeid av Øystein Takle Eide.
