Full stopp ved gangfelt: Politiet driv manuell dirigering

Bilen har stått midt i vegen sidan kl. 14.30.

Klokka 16 torsdag står det framleis ein bil midt i vegen ved avkøyrselen til Finnebrekka på Hatvikvegen.

Der har han stått sidan i alle fall klokka 14.30, då Os & Fusapostens journalist fekk merka at ferjekøen gjekk litt treigare enn normalt inn mot Osøyro frå Hatvik.

Fyrst kl. 15.45 vart politiet varsla, og ein patrulje vart då dirigert til staden.

— Det kan vera lurt å ringa politiet dersom ein bilstans fører til trafikale utfordringar, seier operasjonsleiar i Vest politidistrikt, Bjarte Rebnord.

Patruljen er no på staden og driv manuell dirigering. Bilbergar er på veg, og Vegtrafikksentralen er tidlegare varsla.

Årsaka til at bilen står i ro, skal vera eit problem med hjulstillinga.