På andre sida av denne tunnelen stod politiet oppstilt
Det var ikkje alle som hadde klart å redusera farta til 80 km/t på veg ut av Lyshorntunnelen.
Onsdag gjennomførte politiet trafikkontroll ved utgangen av Lyshorntunnelen i retning Bergen. Det opplyser politioverbetjent Anne Lyssand ved Bjørnafjorden politistasjon i ein e-post.
Nokre hundre meter før utgangen av Lyshorntunnelen går fartsgrensa frå 100 km/t til 80 km/t.
Artikkelen held fram under annonsen.
Kontrollen skal ha blitt gjennomført i 19.15-tida.
— Resultatet er 12 forenkla førelegg. Høgaste hastigheit var 115 km/t, skriv Lyssand.
Det er farleg nære førarkortbeslag. Ved 35 km/t over fartsgrensa i 80-sona, er ein 1 km/t frå førarkortbeslag.
Føraren vil i dette tilfellet ha fått eit førelegg på 14.500 kroner og tre prikkar på førarkortet.
