Hadde ikkje kapasitet til å rykka ut på eggekasting

Politiet ber om tips etter at ungdomar skal ha kasta egg på bilar i 70-sone.

Kring klokka 20 laurdag kveld vart politiet kontakta av ein bilførar som nettopp hadde køyrt på Halhjemsvegen.

I 70-sona mellom Moberg og Halhjem er det fleire overgangsbruer, og på ei av desse skal det ha stått nokre ungdomar og kasta egg på bilane under.

— Politiet hadde ikkje kapasitet til å rykka ut på denne hendinga, men er interessert i tips frå publikum, opplyser vakthavande ved Bjørnafjorden politistasjon.

Promille

Laurdag føremiddag frå klokka 9 til 10.30, var det promillekontroll ved Søfteland skule.

62 bilførarar vart kontrollerte, men det vart ingen reaksjonar.