Ordføraren fridde og fekk ja
Ordførar Terje Søviknes gjekk torsdag kveld ned på kne og fridde til sin kjære, Anne Fenstad, som svara med eit rungande ja.
Frieriet skjedde i eit lite kapell som Torstein Hetlevik har laga på Haaheim Gaard i Uggdal på Tysnes.
- Det var fantastisk stemningsfullt, seier Søviknes.
Artikkelen held fram under annonsen.
- Var du nervøs?
- Nei, men eg var veldig spent. Eg måtte jo lure ho ned der. Tårene mine starta å trilla før hennes. Det var heilt fantastisk. Berre oss to, seier Søviknes.
Kom som eit sjokk
For Anne kom frieriet som eit sjokk.
- Det var veldig uventa, seier ho.
- Er Terje eigentleg ein mjuk mann?
- Ja, veldig. Det skal han ha. Han er følsam og god.
Ho tvilte ikkje på kva ho skulle svara.
- Tida med Terje så langt har vore eit eventyr. Han er ein utruleg flott mann. Terje er den beste, seier Anne.